Recent Posts

Saturday, October 7, 2017

0 comments

ఐలిజంలో లోపాలు – 1

=== ఐలిజంలో లోపాలు – 1 ===

ఐలిజంలో ఉన్న ప్రధాన లోపం ఏమిటంటే.. అతనికీ, అతని అనుచరులకీ సైద్ధాంతికంగా సింక్ కాకపోవడమే.

అతనికి బాగా అనుకూలంగా ఉండేవాళ్ళు క్రైస్తవం పుచ్చుకున్న దళితులు. కాని విచ్చలవిడిగా క్రైస్తవానికి ప్రచారం చెయ్యడం వ్యూహాత్మక తప్పిదం అవుతుంది కనుక “హిందూ దళితులు” అనే వాళ్ళ తరఫున మాట్లాడినట్టు మ్యానేజ్ చెయ్యాలి. హిందూ దళితుల తరఫున మాట్లాడి ఇతర శూద్ర కులాలని సెపరేట్ చెయ్యాలంటే అతనే సెపరేట్ అయిపోతాడు. కాబట్టి ఇతర శూద్ర కులాలనికూడా చచ్చినట్టు కలుపుకోవాలి. ఇతర శూద్ర కులాలు అంటే  కొన్నింటిని ఏరుకుని తీసుకోవడానికి కుదరదు కాబట్టి “ఉత్పత్తి” అనీ, “ద్రవిడులు” అనీ ఆ పదాలకి మ్యాచ్ అయిన అందరినీ కలుపుకోవాలి. వారిలో కమ్మ, రెడ్డి, కాపు, వెలమ కూడా వచ్చేస్తారు. కాని వీళ్ళు రావడం క్రైస్తవ దళితులకి ఇష్టం ఉండదు. వాళ్ళకి ఈ కులాలంటే కుళ్ళు.

ఉస్మానియా మీటింగ్ లో ఆయన చెప్పిన చాలా విషయాలకి గొర్రెలు కేరింతలు కొట్టాయి గాని వెంకయ్యనాయుడి కొడుక్కి పూజారి ఉద్యోగం ఇవ్వరన్న ఆయన ఆవేదనకి స్పందన లేదు. నిశ్చబ్దం. ఆధిపత్య కులాలనీ, దుష్ట కులాలనీ, దోపిడీ కులాలనీ క్రైస్తవ దళితులు కుళ్ళుకునే ప్రధాన కులాలు .. కమ్మ, రెడ్డి లాంటివే. నిజానికి బ్రాహ్మణ, వైశ్య కులాలకంటే వీరంటేనే ఎక్కువ మంట వాళ్లకి. కాని ఇలా కొన్ని శూద్ర కులాలని మాత్రమే సెపరేట్ చెయ్యడానికి అవసరమైన చారిత్రిక ప్రాతిపదిక ఐలయ్యకి దొరకడం లేదు. వీళ్ళని సెపరేట్ చెయ్యాలంటే ఐలయ్యే సెపరేట్ అయిపోవాల్సిన పరిస్థితి.. ఎందుకంటే దళితులపై వివక్ష, అంటరానితనం విషయంలో కమ్మ, రెడ్డి కులాలకి ఏ మాత్రం తీసిపోకుండా గౌడ, యాదవ, వడ్డి లాంటి కులాలు కూడా ఉంటారు. కమ్మ, రెడ్డి , కాపు, వెలమ జనాభా లేకుండా వడ్డి, గౌడ, యాదవ డామినేషన్ ఉన్న ఊర్లు బోలెడన్ని ఉన్నాయి.. వాటిలో వివక్ష తక్కువగా ఉండేదేమీ కాదు. ఎక్కడ చూసినా ఇప్పటికీ గొల్ల పల్లి, గవళ్ళ పాలెం, వడ్డిపాలెం లాంటి గ్రామాలు కనిపిస్తాయి. వీరు కూడా ఆయా ఊర్లలో భూస్వాములే.

మరొక ఇరకాటం ఏమిటంటే .. మేము ద్రవిడ అని సెపరేట్ చెయ్యాలని చూడబోతే.. ద్రవిడ వారసత్వం ఉన్న నాలుగు రాష్ట్రాల్లోనూ ద్రవిడ శూద్రులే రాజ్యమేలుతున్నారు. ఒకే ఒక్క చోట బ్రాహ్మణ స్త్రీ అయిన జయలలిత చెరగని ముద్ర వేసింది.. ఆమెని ఏమీ అనలేడు .. ఎందుకంటే అసలు సిసలైన ద్రవిడ పార్టీ, పెరియార్ వారసులం మేమే అంటారు ఆ పార్టీ వారు. జయలలిత మీద ఉన్న ఆరాధన మరొక 50 ఏళ్ళు చెక్కు చెదరదు. ఇకపోతే తమిళ నాడులో కరుణానిధి ఎలాగూ వెనకబడిన తరగతి. తెలంగాణాలో వెలమలు, రెడ్లు, ఆంధ్రాలో కమ్మలు, రెడ్లు, కాపులు, కేరళలో క్రైస్తవులూ, కమ్యూనిస్టులూ, కర్ణాటకలో గౌడలూ ..ఆధిపత్య వర్గాలు. వీరిలో ఎవరూ బ్రాహ్మణ, వైశ్య లేరు. మరి మన మొనగాడు ఎవరిమీద పోరాటం చెయ్యాలి. చేస్తే ఆర్యులు అని ఆయన అనుకునే ఉత్తరాది బ్రాహ్మణ, వైశ్య, జైనుల మీద చెయ్యాలి. అక్కడ ఈయన మాట ఎవరూ వినరు. వినే చెత్తా చెదారమంతా తెలుగు రాష్ట్రాల్లోనే ఉన్నారు.

ఈ పరిస్థితుల్లో ఎంతకాలమని ఏదో ఒక సిద్దాంతం ఉందన్నట్టు నటిస్తూ ఏదో బావుకోవడానికి ప్రయత్నిస్తాడో వేచి చూడాల్సిందే.

( Labels: , ) Read more

Tuesday, October 3, 2017

0 comments

*హిందూ మతంపై అపోహలు

*హిందూ మతంపై అపోహలు:-*

పురుషసూక్తంలో చేసిన అలంకారిక వర్ణనను బూచిగా చూపిస్తూ కులతత్త్వం రెచ్చగొట్టడం ఎంత వరకు సబబు? మధ్యయుగాల్లో ముస్లిం రాజుల పాలన వల్ల పేరుకుపోయిన కులతత్త్వాన్ని రూపుమాపాల్సిన మనం కులం ఆధారంగా మనుషుల్ని విభజించి, పాలిస్తున్న శక్తులకు ఊతమిస్తున్నాం. కుటుంబాల మధ్య సౌహార్దానికి కులం గానీ వైషమ్యాలకు ఎంత మాత్రం కాదు.

మతం అంటే మార్గం. ఆలోచనాపథం. ఎవరికి నచ్చిన మార్గంలో వాళ్లు నడిచే త్రోవ. అందుకే ‘వాడి మతం వాడిదే’ అన్నమాట లోకోక్తిగా మారిపోయింది. ప్రపంచంలో ఎన్నో మతాలు ఉన్నాయి. మన భారతదేశంలో ప్రాచీనమైన మతాలుగా చెప్పబడే శైవ, శాక్తేయ, గణాపత్య, సౌర, వైష్ణవాలు కాగా, మధ్యలో వచ్చిన జైన, బౌద్ధాలు, సిక్కు.. ఆ తర్వాత దురాక్రమణతో, రాజకీయ అధికారంతో ప్రవేశించిన ఇస్లాం, క్రైస్తవాలు ప్రధానమైనవి. ముందు చెప్పిన షణ్మతాలే ఇవాళ హిందూ ధర్మానికి పునాదులుగా నిలబడగా జైన, బౌద్ధ, సిక్కు మతాలు హిందూ ధర్మ అనుయాయ మతాలుగా, అంతర్భాగాలుగా స్థిరీకృతమయ్యాయి.

హిందుత్వను మతం అనవద్దని, ధర్మం అని పిలవాలని పండితులు చెప్తారు. ఎందుకంటే ఎన్నో మతాలను ఇముడ్చుకొనే శక్తి దీనికున్నది; నదులన్నీ సాగరాన్ని చేరినట్టుగా పరమాత్మను చేరే వివిధ మార్గాలను ఈ మతం ప్రబోధించింది. అలాగే హిందూ ధర్మం ఒక వ్యక్తి చేత స్థాపించబడలేదు. ప్రత్యేకమైన ప్రవక్త దీనికి లేడు.

అట్లాగే హిందుత్వను సనాతన మతం అనీ, ఆర్యమతమనీ, వైదిక మతమనే పేర్లతో పిలుస్తారు. ఇదొక జీవన విధానం. ఈ విషయం సుప్రీంకోర్టు కూడా నిర్ధారించింది. అవిచ్ఛన్నంగా అమృతధారగా కొనసాగుతూ తత్త్వ జ్ఞానానికి భాండాగారంగా నిలిచింది. ‘మతాలన్నీ మానవత్వాన్ని ప్రబోధించడానికే ఏర్పడ్డాయి’ అని భావించే సంస్కృతి హిందువులది. మానవత్వం ఉండాల్సిన స్థాయికన్నా, ఎక్కువై అది స్వేచ్ఛగా రూపాంతరం చెందింది. ఆ స్వేచ్ఛ ఈ రోజు పరమత సహనం రూపంలో, దేశానికి, ధర్మానికి ఏం జరిగినా పట్టించుకోవాల్సిన అవసరం లేదు అనే దుస్థితికి దిగజారింది.

ఇటీవలి కాలంలో కుహనా మేధావులు విదేశీ శక్తులతో కలిసి, కుట్రపూరిత సిద్ధాంతాలను వల్లెవేస్తూ హిందుత్వంపై విషం చిమ్ము తున్నారు. అందులో ప్రధానంగా ఆర్య-ద్రావిడ సిద్ధాంతం ఒకటి. ఆర్య శబ్దం గొప్పవారు అనే అర్థం సూచించేదేకానీ మరోటికాదు. శ్రీమద్రామాయణంలో కోసల దేశంలో పుట్టిన రాముణ్ణి సీత ఆర్య పుత్రా! అని సంబోధిస్తుంది.

లంకను పాలించే రావణుణ్ణి మండోదరి కూడా ఆర్య పుత్రా! అని సంబోధిస్తుంది. మరి ఆర్య-ద్రావిడ వర్గాలేమిటో వీళ్ళ  మస్తిష్కాలకే తెలుసు. అలాగే దళితులు-వారి సమస్యలు భారతదేశం అంతటా ఒకే పరిస్థితుల్లో ఉన్నాయా? లేవా? ఆర్య దళితులు, ద్రావిడ దళితులు వేర్వేరుగా ఉన్నారా? విదేశీ చరిత్రకారులు వండి వార్చిన సిద్ధాంతాలను వడ్డించే బాధ్యతను తీసుకొని ఇక్కడి వైదేశిక మానసిక శక్తులు ఈ యాభై ఏళ్ళలో ఆర్య-ద్రావిడ సిద్ధాంతానికి కావలిసినంత రంగు అద్దాయి. ప్రజల మధ్య వైషమ్యాలను సృష్టించే పనిలో ఉన్న ఈ సంస్థలకు ఇదొక ఆయుధం. వీటికి విదేశీ నిధులు మానవహక్కుల సంస్థల పేరిట, ప్రజాస్వామ్యసంఘాల పేరిట కావలసినన్ని అందుతున్నాయి.

దళిత వాదం పేరిట ఇటీవల కొందరు భ్రష్ట మేధావులు పదవుల కోసం, పదిమందిలో పేరు కోసం పడరాని పాట్లు పడుతున్నారు. బలి చక్రవర్తి, రావణుడు, నరకుడు ‘మా వాళ్లు’ అనీ, హిందూ దేవీ దేవతలు వాళ్ళను చంపి పండుగలు చేస్తున్నారని అజ్ఞానపు రాతలు రాస్తున్నారు. పురాణం ముఖం చూడని ఇలాంటి రాతల వల్ల జాతిని చీల్చాలన్నదే వారి కుట్ర.

శంభూకుడి కథను రామాయణంలో ఉదాహరణగా చూపిస్తూ రాముణ్ణి అధార్మికుడిగా ప్రచారం చేయాలని సంకల్పించడం సూర్యుని ముఖం మీద దుమ్ము పోయడమే.

‘కులమొక కుట్ర-దాని పడగొట్ర’ అన్న సిద్ధాంతం చేయాల్సిన విద్యావంతులు కులంపేరుతో సమాజాన్ని చీల్చివేస్తున్నారు. ఆత్మాభిమానం కలిగిస్తున్నామనుకొనే ఈ మేధావులు జాతిని ముక్కలు ముక్కలుగా చేయాలనే విదేశీ శక్తుల సంకల్పానికి ఊపిరి అందిస్తున్నారు. కొన్ని ప్రాంతాల్లో వ్యక్తుల, పార్టీల, వర్గాల, గ్రూపుల మధ్య ఉండే అనేక రాజకీయ వర్గాల వైరాల కారణాల వల్ల జరిగిన హత్యలకు హిందుత్వంపై నెపం వేసి సంబరపడిపోతున్నారు. వేలయేళ్లనాడు మనువు రాసిన స్మృతిపై వాళ్ల అక్కసును అప్పుడప్పుడూ వెళ్ల గక్కుతారు.

యాభై ఏళ్ల క్రితం ఉన్న సమాజ స్వరూపమే ఈ రోజు పూర్తిగా మారిపోయింది. ఆహార్యం, ఆహారం, ఆచారం, ఆచరణ వేటిలోనైనా హిందువుల్లో వచ్చిన సంస్కరణ ప్రపంచంలో ఏ జాతిలో రాలేదు. అలా రావడానికి ప్రధానంగా హిందువులకు సనాతనంగా వస్తున్న తత్త్వ చింతన. బాహ్య విషయాలకే ప్రాధాన్యం ఇవ్వకూడదు. ఆంతరికమైన విజ్ఞానమే మనకు అలంకరణం అనే గొప్ప భావం ఈ జాతిలో జీర్ణించుకుపోయింది.

అరవై ఏళ్ళ క్రితం రాసుకొన్న రాజ్యాంగానికి ఇంతవరకూ 112 సవరణలు చేసుకొన్నాం. వేల యేళ్ళ నాడు రాసిన మనుస్మృతిని ఎన్ని మార్లు సంస్కరించాలో ఆలోచించవలసిన అవసరం లేదా? పోనీ… అసలు మనుస్మృతి చదివిన హిందువులు ఎంత మంది? భక్తి, జ్ఞాన, యోగాలకు తత్త్వభూమిక అయిన భగవద్గీతనే చదివే తీరికలేని హిందువులు మనుస్మృతి చదివి ఇతర జాతులపై యుద్ధాలు చేస్తున్నారా? ఎంత మూర్ఖపు వాదన! విదేశీ పండితులు ఎందరో ఈ సాహిత్యంలో వేలుపెట్టి, ప్రక్షిప్త -ప్రక్షేపాలను చొప్పించారు.

ఉదాహరణకు వరరుచి నిఘంటువు ఉన్నంత వరకూ అంటే ఎనిమిదవ శతాబ్దం వరకూ హిందూ సంస్కృతి, సాహిత్యానికి దెబ్బతగలలేదు. జైనుడైన అమరసింహుడు వచ్చిన తర్వాత (చాలామంది సంప్రదాయ పండితులకు కూడా నా మీద కోపం రావచ్చు) మన సాంస్కృతికపదాలకు భ్రష్టత్వం వచ్చింది. మందిర శబ్దానికి ఇల్లు -గృహం అనేవి అర్థాలుగా వచ్చాయి. అంతకు ముందు ‘మందిరం’ కేవలం దేవతలకు సంబంధించినదనే అర్థంలో వాడేవారు.

ఇవాళ చీరల దుకాణానికి, చెప్పుల దుకాణానికి కూడా మందిర్ పేరు తగిలించి పెట్టుకొంటున్నారు. ఇతర మతాల ప్రార్థనా మందిరాల పేర్లతో ఇలాంటివి సాధ్యమా? పురుషసూక్తంలో చేసిన అలంకారిక వర్ణనను బూచిగా చూపిస్తూ కులతత్త్వం రెచ్చగొట్టడం ఎంత వరకు సబబు? మధ్యయుగాల్లో ముస్లిం రాజుల పాలన వల్ల పేరుకుపోయిన కులతత్త్వాన్ని రూపుమాపాల్సిన మనం కులం ఆధారంగా మనుషుల్ని విభజించి, పాలిస్తున్న శక్తులకు ఊతమిస్తున్నాం. కుటుంబాల మధ్య సౌహార్దానికి కులం గానీ వైషమ్యాలకు ఎంత మాత్రం కాదు.

కులం అనే వల వేసి బ్రతికే రాజకీయ నాయకులు, హిందుత్వకు వ్యతిరేక పుస్తకాలు రచించి అంతర్జాతీయ అవార్డులు కొట్టేసే అధమస్థాయి రచయితలు కులాన్ని ‘సజీవం’ చేస్తున్నారు. దళిత క్రైస్తవులపేరుతో కొందరు ఇటీవల మాకు ఎస్సీ రిజర్వేషన్ కావాలని అంటున్నారు. ప్రపంచంలో ఎవ్వరికైనా పుట్టుకతో కొన్ని సంక్రమిస్తుంటాయి. అవి కులం, మతం, ప్రాంతం, తల్లిదండ్రులు… వీటిని ఎవ్వరూ మార్చలేరు.

కానీ ఇందులో ఉండే ఆర్థిక వ్యత్యాసాలను మన ప్రయత్నం ద్వారా మార్చవచ్చు. రాజ్యాంగవేత్తలు హిందూ మతంలో అట్టడుగు వర్గాలకు రిజర్వేషన్ కల్పించాలని సంకల్పించి ఎస్సీ, ఎస్టీ రిజర్వేషన్లు కల్పించారు. దళితుల రాజ్యాంగబద్ధ హక్కును హరించాలనే దురూహతో ఇటీవల కొందరు మేధావుల పేరుతో చెలామణీ అవుతూ, నాయకులను ఓట్ల కొరకు లొంగదీసుకొని, మతం మారిన క్రైస్తవులకు రిజర్వేషన్లు కల్పించాలని కోరుతున్నారు. ఇది రాజ్యాంగ మౌలిక సూత్రాలకు విరుద్ధమని తెలిసినా పదే పదే లేవనెత్తి రాజకీయ అంశంగా తయారు చేస్తున్నారు.

మతం మారినప్పుడు కులం ఎందుకు మారదు? అలాగే మతం పేరిట రిజర్వేషన్ వద్దనే రాజ్యాంగ మూల భావనను విస్మరించి ముస్లింలకు రిజర్వేషన్ కల్పిస్తామని భ్రమలు కల్పించి ఓటు బ్యాంకు రాజకీయం చేస్తున్నారు. దేశవిభజన జరిగినప్పుడు 18 శాతం జనాభా, 32 శాతం భూమి కోల్పోవడం జరిగింది. ఇంకా తాయిలాలతో దేశాన్ని ఇంకెన్ని ముక్కలు చేస్తారు? కులాన్ని, మతాన్ని ఓట్లకోసం ఉపయోగించే కుయుక్తులు నశించే పోరాటాలు రావాల్సిన అవసరముంది.

హిందుత్వ అనగానే బ్రాహ్మణిజం అంటూ మండిపడే మరో వర్గం, దేశంలో చైతన్యంగానే పనిచేస్తున్నది. హిందువులు కేవలం బ్రాహ్మణులా? హిందూమతం అంటే బ్రాహ్మణుల సంప్రదాయా లా? వీళ్లలో స్పష్టత లేదు. అసలు బ్రహ్మ శబ్దానికి అర్థం తెలియని లౌకికవాదులు బ్రాహ్మణ కులతత్త్వాన్ని హిందుత్వగా ప్రచారం చేస్తూ, వీళ్లు అనుకొనే-సంబోధించే నిమ్న కులాలను హిందుత్వం నుంచి దూరంచేయాలని చూస్తున్నారు.

విశ్వకుటుంబ భావన (వసుధైవ కుటుంబం), మానవత్వ భావన (ఆత్మైక దృష్టి), అందరిలో భగవంతుణ్ణి చూసే (ఈశావాస్య మిదం సర్వం) ‘భావన’ హిందుత్వ ప్రత్యేక లక్షణాలు. భారతదేశంలో అహింస వంటి గొప్ప సిద్ధాంతాలను వ్యాప్తిలోకి తెచ్చింది జైనం. జైన తీర్థంకరులు క్షత్రియులు. శ్రీరాముడు క్షత్రియుడు.

వ్యాసుడు, వాల్మీకి నిమ్నకులాలకు ప్రతీకగా వచ్చి గ్రంథరచన చేశారు. స్వామి వివేకానందుడు కుల బ్రాహ్మణుడు కాదు. ప్రపంచవ్యాప్తంగా ఉపనిషత్ వాఙ్మయాన్ని వైదిక ధర్మ ప్రతీకగా ప్రబోధించి హిందుత్వను విశ్వజనీనం చేశాడు. ఉపనిషత్ వాఙ్మయం అంతా ఆత్మతత్వాన్ని ప్రవచించిందే. అం దులో స్త్రీలకు ప్రధాన పాత్ర ఉంది. ఈ దేశంపై భౌతికంగా ఇస్లామిక్ తీవ్రవాదం, మావోవాదం ప్రత్యక్ష యుద్ధం చేస్తున్నాయి.

ఈ రెండింటికీ పాకిస్థాన్, చైనా ప్రోద్భలం ఉంది. క్రైస్తవుల దృష్టి భారత్‌పై పడింది. అందుకే కుప్పలుతెప్పలుగా నిధులు వెదజల్లుతూ, భారత్‌లోని కుల, రాజకీయ, సామాజిక పరిస్థితులను ఆధారం చేసుకొని మతమార్పిడికి పాల్పడుతూ దైవనిర్ణయాన్ని హననం చేస్తున్నారు. అమెరికా, రష్యాల్లో చర్చిలు అమ్మకానికొస్తే వాటిని కొని ఇస్కాన్ సంస్థ కృష్ణ మందిరాలు ఏర్పాటు చేస్తున్నది. (ఇది భరించలేకే రష్యాలోని ఓ చర్చి భగవద్గీతకు వ్యతిరేకంగా కోర్టులో కేసు వేసింది).

కేరళను ‘దేవభూమి’గా చెబుతూ క్రైసవాన్ని విశృంఖలంగా ప్రచారం చేస్తున్నారు. దేశ రాజకీయ పరిస్థితులు, నాయకుల ప్రవర్తన వాళ్లకు బలాన్ని సమకూరుస్తున్నాయి. ఇన్ని జరుగుతున్నా ఈ దేశంలోని 85శాతం హిందువులు నిశ్శబ్దంగా గమనిస్తున్నారు (మరే దేశంలో అయినా విప్లవం వచ్చేది). ఈ దేశాన్ని ముక్కలుచేసే కుటిలయత్నం రకరకాలుగా జరుగుతూనే ఉంది.
Forwarded msg. ...no discussions

[from  andhrajyothy   daily   4-9-2012]]

( Labels: ) Read more

Monday, October 2, 2017

0 comments

జ్యోతిష సామెతలు

Muralidhar Pallapothu:
జ్యోతిష సామెతలు 
విశ్వనాధ సత్యనారాయణగారు సామెతను నిర్వచిస్తూ సామెతలు ఆ జాతి యొక్క అనుభూతి పంయాన్ని ప్రతిబింబిస్తూ మహా శాస్త్రముల యొక్క సూత్రముల వలె నిగూడ రమణీయ వ్యాఖ్యాపేశలత్వాన్ని వాంఛిస్తూ ఉండే ఒక విలక్షణమైన సాహిత్య ప్రక్రియ అంటారు. సామెత వేదానికి సమానం (గాదె వేదక్కే సమాన).సామెత మర్మాన్ని గ్రహించిన వాడు వేద మర్మాన్ని గ్రహించగలడని అర్ధం.
అనుభవాల వేర్ల ద్వారా ప్రపంచ జ్ఞానాన్ని గడించి సంస్కృతి అనే లతకు పూచిన పువ్వులే సామెతలు. 

“పంది కలలో కనిపిస్తే శని దశ ఆరంభమైనట్లు” “కాకి మనిషి తల మీద తంతే పట్టుకున్న శని వదలి పోతుందట” “కాకి మనిషిని తంతే స్నానం చేసి శనికి దీపం పెట్టాలట” “అంగట్లో అష్ట భాగ్యం, అల్లుని నోట్లో శనేశ్వరం” “రామేశ్వరం పోయిన శనేశ్వరం తప్పలేదు” “కాలు పూర్తిగా కడుక్కోకపోతే శని పట్టుకుంటుందని” “ శనివారం పట్టుకున్న వాన శనివారమే వదుల్తుందట” అనే సామెతలు శనిగ్రహాన్ని తెలియజేస్తున్నాయి. 
“:గ్రహచారం చాలకపోతే వసుదేవుడు గాడిద కాళ్ళు పట్టుకున్నాడట” అనే సామెతకు గ్రహచారం జీవితానికి దగ్గర సంబందం ఉండటం వలన నిత్య జీవితంలో అనుభవిస్తున్న వాట్కి పర్యవసానం జ్యోతిష్యమేనంటూ చెప్పే విధంగా ఉంది ఈ సామెత. 
“ అన్నీ తెలిసినమ్మ అమావాస్యనాడు చస్తే ఏమి తెలియనమ్మ ఏకాదశి నాడు చచ్చిందని “సామెత. తిధులలో చేయదగిన మంచి చెడు పనులు అర్ధం చేసుకొని అమావాస్య రోజు అశుభపలమని, ఏకాదశి శుభఫలమనే విషయాలు అర్ధం చేసుకోవచ్చు.
“కర్కాటకం చిందిస్తే కాట్కముండదు. కృత్తికలో కుత్తిక పిసుకుడు” ”చిత్త ఎండకు పిట్టల తల పగులును” వంటి సామెతలు వర్ష సంబంధమైనవి. కాల సంబంధమైనవిగా కనిపిస్తున్నాయి. 
“చంద్రుని చుట్టూ గుడి కడితే వర్షం కురుస్తుంది” వర్షం కురవటానికి చంద్రుడు కూడా ఒక కారకం. అనే విషయం ఈ సామెత ద్వారా తెలుస్తుంది. 
“మిధునంలో పెట్టిన మొక్క మీసకట్టులో పుట్టిన కొడుకు అక్కరకు వస్తారు.”అని “ఆరుద్ర కురిస్తే దారిద్ర్యం లేదు” సూర్యుడు మిధునంలో ఉండగా నాట్లు వేస్తే మొక్కలు బాగా ఎదుగుతాయి. ఆరుద్రలో వర్షాలు బాగా పడతాయని మీసకట్టు ఉన్నప్పుడే కొడుకు పుడితే తనకు శక్తి తగ్గే సమయానికి పిల్లవాడు ఎదిగి వస్తాడని సామెత. 
శకున శాస్త్రం ప్రకారం “ కాకి అరిస్తే చుట్టాలోస్తారని, ఉత్తరం వస్తుందని” శకున సామెత. శకున మనస్సుకు సంబంధించింది. 
“పౌర్ణమి రోజుల్లో రోగం తిరగబడుతుందట” అమావాస్య ఆడవారికి పున్నమి పురుషునికి రోగం తిరగబెడతాయి” అనే సామెత ప్రకారం అన్ని రోగాలు ఇటువంటి స్దితిని పొందకున్న రక్తం, హృదయ సంబంధమున్నా రోగాలన్నీ ఈ విధంగా తిరగబెట్టే అవకాశాలు ఉన్నాయి. కారణం చంద్రుడు పౌర్ణమి రోజు బలవంతుడు. మిగతా రోజుల్లో చంద్రుని ఆకర్షణకు, పౌర్ణమి రోజు చంద్రుని ఆకర్షణకు వ్యత్యాసం ఉంటుంది. రక్త సంబంద దోషాలున్నప్పుడు అమావాస్యనాడు చంద్రుని నిర్బలత్వం, అస్తంగత్వం పొందటం వల్ల ఆడవాళ్ళకు ఎక్కువగా ఇబ్బందులు కలుగుతాయి. మానసిక వ్యాధులకు పౌర్ణమి సమయాలలో పురుషులు ఎక్కువగా భాదపడతారు. “ చంద్రమా మనసో జాతః” అనే సామెతలు చంద్రగ్రహాన్ని తెలియజేసేవిగా ఉంటాయి.

( Labels: ) Read more
0 comments

వ్యాకరణం (తెలుగు) తెలిసిన వారికి విందు భోజనం:-


వ్యాకరణం (తెలుగు) తెలిసిన వారికి విందు భోజనం:-

ఈ సంఘటన చాలా పాతకాలం నాటిది. ఒక పండితుడు వేరొక పండితుడి గ్రామానికి బస్సులో వస్తున్నానని కబురు చేశాడు. తన ఇంటికి వస్తున్న పండితుడిని ఆహ్వానించి, ఇంటికి తీసుకెళ్లడానికి ఎడ్లబండి కట్టుకొని బస్సు వచ్చే చోటికి వెళ్లాడు.

బస్ స్టాండ్ గ్రామానికి 3, 4 మైళ్ళ దూరంలో ఉంది. అందునలన, వేరే బండివాడిని తీసుకరాకుండా, తానొక్కడే ఎద్దులను కట్టి, బండి తోలుకుంటూ బస్టాండ్ కు వచ్చాడు. బస్సు దిగిన సోదర పండితుడిని సాదరంగా ఆహ్వానించి, బండిలో కూర్చోబెట్టుకొని తన గ్రామానికి బయలుదేరాడు.

పల్లెటూరుకు వెళ్లే త్రోవ కాబట్టి, అంత బాగా ఉండదు. నల్లేరు మీద బండి నడక కాకుండా, ఎగుడు దిగుడు బండల మీద త్రోవ వల్ల, ఎద్దుల బండి బాగా కుదుపులతో వెళుతూవుంది. కుదుపులు ఎక్కువ ఉండడం వలన పోరుగూరి నుంచి  వచ్చిన పండితుడు 'అబ్బబ్బ వెధవ బండి' అన్నాడు.

దానికి, బండి యజమానియైన పండితుడు, ఏమండీ మీరంటున్నది షష్టీ తత్పురుషమా! లేక కర్మధారయమా! అన్నాడు నవ్వుతూ. షష్టీ తత్పురుషము అయితే 'వెధవ యొక్క' బండి అనే అర్థము వస్తుంది. అదే కర్మధారయమైతే 'వెధవ (యైన) బండి' అనే అర్థము వస్తుంది. (బండి యొక్క యజమాని వెధవనా? బండి వెధవదా?).

దానికి పొరుగూరి పండితుడు నవ్వుతూ, "యేదీ కాదు చతుర్థీ తత్పురుషము లెండి" అన్నాడు. (అంటే వెధవ కొఱకు బండి) అని. ఇద్దరూ హాయిగా నవ్వుకున్నారు. ఆ కాలంలో పండితులు మాటల్లో కూడా అలాంటి చెణుకులు విసురుకొని ఆనందించేవారు.

                                    *****

ఇంకొక చమత్కార సంభాషణను ఆస్వాదిద్దాం.

ఒక శిష్యుడు, గురువుగారి దగర విద్య అభ్యసించి,
పెళ్ళి చేసుకొని ఊరికి వెలుపల ఇల్లు కట్టుకొని స్థిరపడ్డాడు. ఒకరోజు గురువుగారు ఎడ్లబండి మీద శిష్యుడి గ్రామం దారిలో వెళుతూ, ఒకసారి చూసి వెళ్దామని, శిష్యుడి యింటికి వచ్చాడు.

రాక రాక వచ్చిన గురువు గారికి, శిష్యుడూ, అతడి భార్య చక్కని ఆతిథ్య మిచ్చి, తాంబూల సహిత పంచలచాపు యిచ్చి పాదాలకు నమస్కారం చేశారు. అప్పుడు గురువు గారు, ఒక శార్దూల వృత్తంలో (పద్యము), వేదమంత్రము వచ్చేట్టుగా చెప్పి ఆశీర్వదించారు.

అప్పుడు చమత్కారియైన శిష్యుడు నవ్వుతూ, "గురువుగారూ, ఆతిథ్యం స్వీకరించి మా యింట శార్దూలమును (పులిని) విడిచి వెళ్ళుట మీకు న్యాయమేనా?" అన్నాడు.

దానికి గురువుగారు నవ్వుతూ, "ఆ శార్దూలమును మంత్రించి వదిలేశాను. నీకు ఏలాంటి అపకారం చేయదు. అదీగాక, నీవు ఊరి వెలుపల ఇల్లు కట్టుకున్నావు. పంచమీ తత్పురుషము లేకుండా ఈ షష్టీని కాపలాగా పెట్టానని" అన్నారు.

పంచమీ తత్పురుషానికి అందరూ చెప్పే ఉదాహరణ 'దొంగవలన భయము'. షష్టీ తత్పురుషానికి 'కుక్క యొక్క కాపలా'. అంటే, గురువుగారు, దొంగ వలన భయము లేకుండా శార్దూలాన్ని కాపలా పెట్టారన్నమాట.

ఆ కాలం వాళ్లు, ఈ కాలం వాళ్ల లాగా, గుమ్మం దగ్గర నుండే టాటా, బై బై చెప్పేవారు కాదు. గురువుగారిని బండిలో ఎక్కించి, "మీరు మళ్ళీ మా యింటికి దయచేయాలి అని మర్యాద పూర్వకంగా అనేవారు". శిష్యుడు కూడా అలాగే అన్నాడు.

అందుకు గురువు గారు నవ్వుతూ, "నీవు ద్వంద్వా తీతుడయిన తర్వాత వస్తానులే" అన్నాడట. ద్వంద్వ సమాసమునకు ఉదాహరణ, 'భార్యా భర్తలు', 'తలిదండ్రులు', 'అక్కాచెల్లెళ్లు' అని ఉంటుంది.

ద్వంద్వాతీతుడంటే మీ భార్యాభర్తలు తలిదండ్రులు అయినప్పుడు, అంటే, "మీకు సంతానం కలిగినప్పుడు మళ్ళీ వస్తానని" అర్థము. పూర్వకాలము పండితులు కలిసినప్పుడు, ఇంత చమత్కారముగా మాట్లాడేవాళ్ళు.
అలాగా, మనం ఎలాగూ మాట్లాడలేము. కనీసం విని ఆనందిద్దామని మీకు ఈ వ్యాసంలో తెలియజేస్తున్నాను.

చదివినందులకు ధన్యవాదాలు.

( ) Read more
0 comments

అగ్రవర్ణం

నన్ను బాగా కదిలించిన పోస్ట్...
మీకోసం...Watsapp నుండి...
రచయిత పేరు తెలియదు...
****************************
అగ్రవర్ణం రంగు పులిమి అధఃపాతాళానికి తొక్కేశారు. ఏ జాతివాని ఇంటికైనా వచ్చి మలినంలేని మనసుతో మంత్రం చదివి, ఆశీర్వదించేవాడు బ్రాహ్మడు. తింటానికే తిండిిలేక, వుండటానికి నీడలేక అల్లాడుతున్న బ్రాహ్మడు అగ్రవర్ణమా?  రేపటికి దాచుకోవడం  ఆనాటి  బ్రహ్మణునకు తెలియదు. మీరంతా ఇచ్చే ఇంతైనా కూడా ఆనందంగా తీసుకువెళ్ళేవాడు బ్రాహ్మణుడు. మీరనుకునే అగ్రవర్ణ బ్రాహ్మడు, వాడు బ్రతకడం కోసం నాలుగు లోగిళ్ళలో వంట చేసుకుని బ్రతుకుతున్నారు. అగ్రవర్ణం అనే బిరుదును వాడి వంటికి బురదలా రాసి , వీడు పంది అని గెలిచేసే కుహనావాదులకు తక్కువేంలేదు.  బ్రాహ్మణుడంటే చులకన, వాడి వేషం చులకన, వాడి ఆడది చులకన, వాడి బ్రతుకు చులకన.  శాసించడం అంటే ఇప్పటికీ తెలియనివాడు, బ్రాహ్మడే.  అగ్రవర్ణం పేరుతో ఈ నాటికీ బ్రహ్మణుణ్ణి దెప్పిపొడవని జాతి ఏది???అన్ని కులాలవారికన్నా పనికిమాలినవాడిగా మార్చబడినవాడు బ్రాహ్మణుడు. ఆనాడు వారిని కమ్మ, కాపు, రెడ్డి ఇలా అనేక జాతులు కలసి పోషించాయి.... ఇప్పుడు బ్రాహ్మణునకు విలువలేదు...అవసరానికి తప్ప.   ఒకప్పుడు మంత్రాలకు మాన్యాలు ఇచ్చారు...తరువాత ప్రశ్నించే కాలం వచ్చింది...వెంపలిచెట్లకు నిచ్చెనలు వేసే     మేధావులు పుట్టారు. వారికెందుకు అంత గౌరవం అన్నారు? వాళ్ళకిచ్చేదేమిటి అన్నారు...ఇచ్చేది ఆపేశారు. అన్నం పెట్టాల్సిన అమ్మలు మారిపోయారు. దాచుకోవడం చేతకాని బ్రాహ్మణులు దరిద్రులైనారు. అన్నీ వ్యాపారంతో కూడుకున్నప్పుడు బ్రాహ్మణుడు కూడా మంత్రాన్ని వ్యాపారం చేసాడు. తప్పేముంది? మీరంతా అవీ ఇవీ అమ్ముకు బ్రతుకుతున్నప్పుడు బ్రాహ్మణుడు మాత్రం మంత్రం అమ్ముకుంటే తప్పేంటి? ఏం, బ్రాహ్మడు బైకు ఎక్కకూడడా, కారు కొనకూడడా, ఏసీ లు పెట్టుకోకూడడా, ప్రతి దానికీ బ్రాహ్మణుడు చులకనే. బ్రాహ్మణునకు రక్షణలేని పరిస్థితి.    చివరకు బ్రాహ్మణుడు సహాయంకోసం కార్పొరేషనల చుట్టు కుక్కలాగా తిరగాల్సిన పరిస్థితి.  అసలు మనుషుల్లోనే ఏకత్వం లేనప్పుడు, బ్రాహ్మణునకు మాత్రం అదెలా అబ్బుతుంది? ఇది ఏమైనా 80%  బ్రాహ్మణులు అతి నికృష్ట జీవితం గడుపుతున్నారనేది నా పరిశీలనలో తేెలిననిజం. అగ్రవర్ణం అనే పదం బ్రాహ్మణులకు తగిలించి వారిని సర్వనాశనం చేస్తున్నది ఈ వ్యవస్థ అంటే అతిశయోక్తి కాదు.వారి కులాన్ని చూసి ఏడవకండి...వారు జీవన విధానాన్ని చూసి ఆలోచించండి.....👏👏👏👏👏

( Labels: ) Read more
Best viewed on firefox 5+

Blog Archive

Followers

Copyright © Design by Dadang Herdiana